حوار بين عراقي ولفة فلافل.... منقول

من طرف خطاب الخميس أبريل 24, 2008 3:06 am

اشتره مواطن عراقي لفة فلافل وفتح حلكه يريد ياكلها

لفة الفلافل (داتصيح): أنتظر، الله يخليك لا تاكلني مو احنه اخوة

المواطن (مستغرب): شنو عيني شنو ؟ شلون عيني أخوة ؟

لفة الفلافل: طبعاً ، شوفنا اثنينا ، اني أتكله يوميه بالنار والحر، وأنت همين تكضي يومك متكلي بالشغل والحر وبالشمس الحاره وفوكاها الكهرباء طافيه.

المواطن: كافي عيني... أنا جوعان واليوم الا آكلج فلا تعبين نفسج تقنعيني بشغلات فارغة.

لفة الفلافل: أنت أخويه وأني مصممه على هذا الشي ، ملاحظت أنه سعرنا احنا الاثنين رخيص في بلدنا، ونصير أكبر قيمة في بلاد الأجنبي.

المواطن: يجوز عندج حق بس هذا مو سبب كافي تقنعيني بيه بانه احنا اخوة . خوش حبابه..

لفة الفلافل: زين شوف جسمنا ثنينه ضعاف وطوال ولونه أصفر، وماكو بداخلنا غير جم فلفلايه وشوية زلاطة وعنبه ..

المواطن: والله هسه يله اقتنعت ، صدك عندج حق يا اختي بس فاتج شيء مهم كلش ..

لفة الفلافل: وشنو هذا الشيء المهم كلش ؟؟

المواطن: يعني ما تدرين يا عزيزتي أنه احنا العرب يأكل واحد باللاخ يعني الاخ ياكل اخوه .. فما بيها شي اذا اني آكلج ..

لفة الفلافل (خايفه): لا..الله يخليك لالالالالاااااااا..

وبلكمتين مبقى اي أثر للفة الفلافل ..... خطية

من طرف شهودة الخميس أبريل 24, 2008 3:22 am

ه هه ه ههه ه..ظريف جديد... ظريفة ينطلع بيها لعتبة الباب..مشكور خطاب مدري شسمك

من طرف خطاب الخميس أبريل 24, 2008 3:39 am

شكرا عالرد ست شهوده واكيد عجبج الموضوع لان يطرق لاغلى واهم واكثر اكله تاكليها بحياتج والي هيه الفلافل فأكيد الموضوع شيق بالنسبه الج
شكرا عالرد

من طرف شهودة الخميس أبريل 24, 2008 3:44 am

هااااااا اني ما انتبهت شنو الاكله..هستوك يله نبهتني ..قصدك هاي الاكلة الي فاتح عربانه وتبيع بيها ..وتكعد تهفي بالذبان وترجع ليورة؟؟؟ وكل شويه تحط خمسه بحلكَك ؟؟ اي اي عرفتها ..اممم لا بأس بيها

حوار بين عراقي ولفة فلافل.... منقول

حوار بين عراقي ولفة فلافل.... منقول

رد: حوار بين عراقي ولفة فلافل.... منقول

رد: حوار بين عراقي ولفة فلافل.... منقول

رد: حوار بين عراقي ولفة فلافل.... منقول