منتدى العمشان

قصه سندريلا العراقيه

اذهب الى الأسفل

قصه سندريلا العراقيه

مُساهمة من طرف شهودة في الأربعاء يناير 30, 2008 5:54 am

112123 قصة سندريلا العراقية
كان ياما كان في عتيك الزمان
جان اكو بنية
اسمها سندريلا خوش بنية و علمودها غنى حسام الرسام الاغنية مال العكربة
,,,المهم جان عدها مرة اب كلش خبيثة و جانت تشتغل وية الامريكان مترجمة
و ابوها خطية يبيع قوايش مبردات حجم 1100 بعكد النصارى ومرات يبيع
شخاط فلّ بس هو خوش زلمه من اهل الاول ... و جانو الكل سايكين على سندرلا خطية
روحي سوي الجوزة مال المولد فصلت ,,,
روحي اوكفي سرة على الغاز,,,
روحي لابو المحل براس الفرع اشتري شحاطات لخواتج
(اللي همة جانو 3 خوات بس من غير اب هم خبيثات للهامة)
روحي شلعي الشتايكر مال السطح و رجعية مرة لخ,,
روحي جيبي لفات فلافل مشي,,
روحي بدلي الدهن مال المولدة الاقصى
و هاي خطية جانت كلش
حبااابة و تروح ولا تفتح حلكها بس من جواها جان التقسيم مشتغل
المهم,,,,,الى أن يوم من الايام
جانت دا تصعد ماي بجليكان ابو ال 20 الماي ضعيف و الماطور ما يصعد
لان ماكو كهرباء لكت بالطرمة فانوس بس شنوو مزنجر و عتيك عبالك جان
بدوائر الدولة و تحوسم جتي عليه فركتة و كرررب كام يطلع دخان سندريلا
انرعصت و رجعت خطوتين للخلف بسبب
المفاجأة
شنو هال دخان هذا ؟ الدخان شوية شوية اتحول الى جني
لابس دريس مال برشلونة و بوتين اديداس وسوار ذهب و حاط معطر
freedom for men
و كللها:-
-شبيك لبيك عبدك بين ايديك انا الجني رامي من العرصات
شتريدين اسويلج بس عالسريع لأن ماما دكتلي مسكول لازم ارجع
كالتله
-عمو جني اريد كهرباء وطنيه 24 ساعة ممكن؟
-ولج بابا هوة اني ساحب واير 5 امبير من مولد للفانوس
شلون اجيبلج وطنيه 24 ساعة؟ شنو جني لو وزير الكهرباء؟
-زين عمو عمو اريد قنينة مال غاز متروسة لأن معوزين كلش .....
-ولج عمو شنو هال حجي؟ ولج انتي شكد فكرية.. اكو
واحد يطلب من جني قنينة مال غاز؟ شايفتني رابط الفانوس عال حصان؟
-عمو عمو لعد شتكدر تسويلي؟
-باعي عمو انتي
بعدج اصغيرة و محرومة و الامير راح يسوي حفلة و ادري عائلتج
راح تروح شنو رايج لو اخليج تروحين و تتونسين؟ احتمال تطلعين
ابصاية و صرماية لأن الشرقية هم دا تصور هناك حفلة طاكة
- زين شلون اروح عمو؟نفرات لو كيا؟
-بابة معليج هسة غمضي عينج.... سندرلا غمضت عينها (و من الغريب يا جماعة
انه اول ما غمضت عينها ما كامت اتشوف و هذا الشي محد لكالة
تفسير لي هسة ) و كررررب شافت سندرللا نفسها لابسة تنورة و بدي و حذاء مفتوح
و كللها الحلفة اقصد الحفلة تخلص بال 8 و نص
علمود منع التجوال و كل هاي الهدوم راح توكع و الحذاء و الميك اب و
كلشي راح يختفي اذا عبرت ال 8 و نص و احتمال تنعلسين بالطريق
-حاضر عمو شكرااااااااااااااااااااااا(هاي شكرا الطويلة مال الزعاطيط)
وصلت سندرللا البيت الامير جان مسوي حفلة
لان طلع 77 بالسادس راح يروح كلية اهلية احتمال او طب بيطري بعد ما اعرف
و الحفلة جان بيها نجود و سمراء و ساجدة عبيد(كلة هجع و عالكة) و
سهام السبتي هم جانت موجودة و الامير شاد الرباط علة راسة وردح ردح ردح
و فجأة الامير صاد سندريلا و عجبته و كابلها
جتف ساعتين و ساندرللا نست روحها و نست الكراب و السراوات و
البهذلة و نزلت ردح الى ان صارت 8 و نص ......واللهّّّّ انلاصت
اتذكرت الوصية مال رامي الجني و كالت لازم اشطح و ركضتلك عال
سريع جنها برازيلي هس توها مجفتة و الامير وراها
:
-وج تعاااي شبيج تخبلتي؟مو دا احاجيج
؟؟؟ وين امولية ؟؟؟ فضيلة(هلكد ما سكران نسة اسمها)
المهم ركضت سندريلا و كررب وكع الحذاء مالتها بلا ما تدري
جان الامير يشيل الحذاء و لزمة و ضل صافن عالعالم اللي
انتبهوا عال لقطة و كامو ايباوعون عليه الامير بقة شايل الحذاء و
مصدوم و صورة سندرللا
الحلوة ببالة,,, الحفلة توقفت طبعا و العالم سكتت من المفاجأة
جان يباوع الامير عالعالم ....صنطة.......
و كال للناس :
الشركة العامة للصناعات الجلدية - فخر الصناعة الوطنية العراقية
خبرة وتميز في مجال المصنوعات الجلدية من الاحذية والحقائب بارقى المواد
شهودة
شهودة
عضو مبدع
عضو مبدع

انثى عدد الرسائل : 144
العمر : 31
۞ تاريخ التسجيل : 06/01/2008
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: قصه سندريلا العراقيه

مُساهمة من طرف aooa40 في الخميس يناير 31, 2008 3:15 pm


haha haha haha haha haha haha

______________________________________________
aooa40
aooa40
عضو مبدع
عضو مبدع

ذكر عدد الرسائل : 501
العمر : 53
الموقع : http://emshin.
۞ تاريخ التسجيل : 03/12/2007
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: قصه سندريلا العراقيه

مُساهمة من طرف شهودة في الجمعة فبراير 01, 2008 4:39 am

هئ هئ هئ
شهودة
شهودة
عضو مبدع
عضو مبدع

انثى عدد الرسائل : 144
العمر : 31
۞ تاريخ التسجيل : 06/01/2008
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: قصه سندريلا العراقيه

مُساهمة من طرف aooa40 في السبت فبراير 02, 2008 10:53 am


والله صدك تضحك.
haha

______________________________________________
aooa40
aooa40
عضو مبدع
عضو مبدع

ذكر عدد الرسائل : 501
العمر : 53
الموقع : http://emshin.
۞ تاريخ التسجيل : 03/12/2007
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: قصه سندريلا العراقيه

مُساهمة من طرف thamerrr في الأحد فبراير 03, 2008 1:25 pm

عمو شهودة عاشت ايدج على هالقصة كلش تضحك

عمج ثامر ابو محمود
avatar
thamerrr
عضو فعال
عضو فعال

ذكر عدد الرسائل : 22
العمر : 61
۞ تاريخ التسجيل : 09/11/2007
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: قصه سندريلا العراقيه

مُساهمة من طرف شهودة في الإثنين فبراير 04, 2008 2:15 am

شكرا عمي ابو ثامر على الرد وتدلل
شهودة
شهودة
عضو مبدع
عضو مبدع

انثى عدد الرسائل : 144
العمر : 31
۞ تاريخ التسجيل : 06/01/2008
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى