منتدى العمشان

على الماسنجر جات ام عباس وابو فاظل

اذهب الى الأسفل

على الماسنجر جات ام عباس وابو فاظل

مُساهمة من طرف شهودة في الجمعة فبراير 22, 2008 9:19 am



هله يابعد شيبات ام عباس اكلج ابو عباس انطمر نام
____________

اي انخمد نامت عليه همر بجاه ابو العباس ابو فاظل طاح حظه اروح اغمهوهو نايم وارجع __ برب __ وارجع لا تروح اليوم اريد اسولف وياك
____________


tyt
____________


باك -- اكول هاي ام صابر اشو اليوم شفتك دازلها رساله بالمنتدى شعندك وياهاحجي لا تضم عليه تره والله هسه اشك الشيله مالتي واطلع بالشارع ابيع روبه
___________


لا والله بس هي رادت تعرف شلون اتثبت موضوع كتلها هاي من صلاحيات المشرف ابو رزاق هو يثبت بويه ام عباس اني كتلج كلبي يرف بس الج والحمزه وداعت جهالي خو تعرفين حتى ام فاظل لخاطرج طكيتها بالنعال وراحت لبيت اهلها
__________


تريد تثبت موضوع هسه من حورها هاي ام صابر والعباس مواضيعها كلها منقوله بت البتل ماتكتب منقول تدري كل النسوان بالمحله يعرفن ام صابر مواضيعها منقوله واني كتلها لام محيسن تحجي وياها من يروحن للقرايه تره مصختها الماتستحي مخبله ثولتها ميس كمر كل يوم تباوع عليها وتريد تقلدها شكد اكرها ام العبايه المالحه والكبر اي والله الكبر الها
___________


ياطلابة السوده دعوفيها جلبتي بشباج الكاظم اكلج افتحيلنه الكامره خلي اشوف كصايبج اكلج خو مو لابسه دشاشه سوده تفكي حزنج مو انفكينه من وره الاسود مالتج هسه ماطلعت امج ماتت صارلها سنتين تفكيه هسه قابل امج الملكه حسنه ملص
____________


ما ما ما ما افتح الكامره زعلانه منك صاير هاي الايام مو كلش داوي عليه احس لهفتك مو مثل الاول قبل جنت اول ماتفوت للجات اطكني بسونغ تخليني سندرلا مال السماوه اني مو احلى من باربي الحله والدوانيه مكروه ما احبك
____________



اها على بختج بس سونغ هسه اجيبه لحظيري وداخل حسن من كبرة يغنيلج يضرب الحب ولك ماتكلي شلون يذل والله احبج ام عباس.. اويلي وتجي طلقه تايهه براس ابو عباس ونخلص منه وريحته ومن تخلصين العده نلعب لعب ..هاج يابعد رويحتي هاي سونك وافقي على الارسال مال الفايل ياسندرلا مال الولايه كلها

___________



حلوه السونغ اشو استرخيت عليها احس نفسي كاعدة جاسه الماي يابعد روحيي اكلك كلش ولهانه عليك اروح اخم ابو عباس وهو ونايم واجي واشوفه يشخرلو لا اذا يشخر حتى افتح الكامره واذا مايشخر ما اكدر افتح الكامره اخاف يفز اكلك اذا سديت الصوت يعني ابو عباس كعد مو تروح اريد اشبع من شوفتك اكلك اشو انت بالمنتدى ماتكتبلي دارمي شبيك حسسني انه اني انثى ابن الصخل شبيك
________________



ام عباس انتي دوه اليه وعشرين دكتور دخلتج عليه ..انة اموتن عليج فتحي الكامره ورقصي اليه باليه مال بحيرة البجع بروح جدج واذا عندج لبس مال رياضة التنس للسيدات اوفيش اوفيش
_______________


وافق على الدعوه مال الكامره شفتني حلوه اخبل خلي انزع الشيله اراويك الحنه مالتي اليوم حطيتها طلعت عبالك جفجير مال حكاكة اخبل ابو فاظل منو احلى اني لو العوبه مرتك ام فاظل
____________


بويه بويه بويه طركاعه بويه فلك وطرنه وكعت على روسنه شنو بويه كيمر انتي لو كشوه مال روبه ام فاظل منيلها من الكبر لفهاالبارحه عودك حطت حمره لخدودها طلعت عبالك هايشه مسودنه
____________


ههههههههه ولك انزول عليك ولا تكعد راحه اكولك اني اروح هسه اخم ابو عباس سبع مرات وانام لانه اجتني النعسه.. حبك ثولني ثول اشوفك باجر وبعد ام صابر لا تحجي وياها سويلها بلوك عليك العباس بلوك سويلها تره هسه اروح بالنعال اكطعه على ابو عباس وهم نايم يالله تيك يور تايم سي يو باجريا ولفي




وشكرا لاصغائكم تم رصد المكالمة الساعة 4 فجرا
avatar
شهودة
عضو مبدع
عضو مبدع

انثى عدد الرسائل : 144
العمر : 31
۞ تاريخ التسجيل : 06/01/2008
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: على الماسنجر جات ام عباس وابو فاظل

مُساهمة من طرف عادل في الجمعة فبراير 22, 2008 9:31 am

حلووووووووووووه هههههههه هاي اشلون دبرتيهه من صدك حلووه عاشت ايدج وشتاقينه لمشاركاتج الحلووه 345 345

______________________________________________
avatar
عادل
مدير عام
مدير عام

ذكر عدد الرسائل : 686
۞ تاريخ التسجيل : 24/10/2007
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: على الماسنجر جات ام عباس وابو فاظل

مُساهمة من طرف شهودة في الجمعة فبراير 22, 2008 10:53 am

مشكووور على الرد
avatar
شهودة
عضو مبدع
عضو مبدع

انثى عدد الرسائل : 144
العمر : 31
۞ تاريخ التسجيل : 06/01/2008
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

رد: على الماسنجر جات ام عباس وابو فاظل

مُساهمة من طرف aooa40 في الجمعة فبراير 22, 2008 8:04 pm


haha haha haha haha haha
بصراحة أروع ما قريت بالمنتدى.
والله إنتي موهوبة.
الله يخليج ويحفظج.
تقديري.
145

______________________________________________
avatar
aooa40
عضو مبدع
عضو مبدع

ذكر عدد الرسائل : 501
العمر : 53
الموقع : http://emshin.
۞ تاريخ التسجيل : 03/12/2007
احترام قوانين المنتدى احترام قوانين المنتدى :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى