لاتشعر بالذنب

من طرف عادل الثلاثاء مارس 18, 2008 12:46 am

لا تشعر ابد بالذنب اترجاك
مو ذنبك اذا ماتگدر تحبني

شوفه گليبي صاير بس اثر طعنات
لان كلمن أحبه بسيفة يضربني

مو أول شخص مثلك شفت أشكال
هدمتو جروح بييه وانه ارد ابني

صح انت حلو والحلو منك غار
وطولك هذا كلش حيل عاجبني

صح شعرك سرح نايم عله الجتفين
وصوتك جنه اغاني شكثر يطربني

لازم انه احبك موبدي والله
ما اگدر اقاوم انته غالبني

سفان بسفينه وانهزم لبعيد
وبنص البحر الگاك تگلبني

گلي وين أروحن عذباني الليل
طيفك يمي يسهر ابجي يجبرني

ادخن بالجگاير عايش بدخان
حاربني بجوابك بعد حاربني

صرت انه الجگاره واشتعل حسرات
ورثني بديك واكعد احرگني

صرت انه الخمر وبلاخمر سكران
بعيونك سحر للدمعه يسحبني

صرت انه شعر ما اكتب الاشعار
بس ورقه وقلم والشعر يكتبني

راح اخذ قرار وخافن ارجع بي
راح انساك انه واقفله لگلبي

واضل بعيد عنك غاد اوخر غاد
وما احملك ذنب بس الذنب ذنبي

مو ذنبك اگلك وانه اترجاك..
خلي النار بييه شجابك اعله النار

مو گوه الگلب يعشك يضل سهران
يختار الگلب لا احنه مانختار

لاتشعر ابد بالذنب لايفلان
انه و ي الجرح اصحاب بيت وجار

عندي ويه العشك من گبل ازمة شوك
جن كاتل أخييه وثار يطلبني

خليك بطريقك ما اگرب اعليك
وذا طيفك يمر خل يمر بس خطار

واذا يمكن نسيتك راح امرن بيك
حته اترس عيوني بشوفتك تذكار
[center]