دار..ميااات

من طرف عادل الإثنين سبتمبر 06, 2010 10:19 am

من كثر ما مشتاك يمكن انجنيت...اكل بصل مثروم حسبالي جكليت
............ ......

الدهر صاير چاي والدنيا قوري ... ليش اليحب يا هواي ينضرب بوري

............. ...

لمن اشوف هواي يخدر شعوري ... خدرت بالفانوس حسبالي قوري

............. ...

شوفو زماني شلون من يأذي ياذي ..... خلاني شجرة موز بين الشواذي

............... .....

وين البخت يفلان وتكلي مبخوت ... صرت اشتغل دفان محد رضى يموت

............. .....

زين البخت وياك واصل لهل حد ... احفر كبر للمات كالو عدل رد

............. ....

كَالوا بعد سنتين ونوزع بيوت ... تاليها حتى المات ما عنده تابوت

.............. ..

فيتر صرت يا ناس والعيشه كشره... وين اليضب الروح بسبانه عشرة

............ .....

دورلي فيتر زين من روحي مليت لا بدي لا رنكات بس شاصي ظليت

............ ......

من كثر ما مشتاك خبلت نفسي... اشرب نفط بالكوب حسبالي ببسي

............. ..........

من كثر ما مشتاك صرت اني مخبول.... اتفرج الاخبار حسبالي كعبول

............. ...

من كثر مامشتاق وحبك بنفسي ... وكفت الامريكان حسبالي تكسي

.............. .....
وهاي هم دارميات بس اضحك

احول حبيب الروح اثول مطفي لاكاني عين بعين باس الي بصفي

.............. ........

اطبخ وافكر بيك يا حلو العيون بالمركة اخبط جاي حسبالي معجون

الدهر لو وازاك خذلك مكيف عندي سبع طلقات كلهن مذنب ؟؟

............. ......... ....

باب السطح مفتوح والهوة ايدعبل .... يمته يجينه اليوم الناكل بيه زلاطة ؟؟
تيزاب الدخل بالعين واتلف سمعهة ... ظليت انا حيران شلونك أغاتي ؟؟

ليش التريدة الروح محد حجالي ... اصعد على النخلات ﻻلنكي ماكو ؟؟

هم شفت هم سمعيت هم سولفولك ... لا شفت لاسمعيت لا سولفولي

هم شفت هم سمعيت باللادة تبريد .... ويم نقطة التفتيش أمريكي واكف ؟؟

شفت الهوى امن بعيد عبالي طنطل ... خرعني نص الليل عابت خلقته

متعجبة النسوان تجيها سستر .. والدكتور والفراشة تفتر

............. .....

يضحك حبيب الروح حسبالي احبة .... مايدري زوج نعال يعتك واذبة

جيت متعنّي الدارك علمود أظفرك..... چا شلي بالرجلين الما تدفرك

بيدي ارد اوزع ماي والشربت اوياه واعذرني عالجكليت جي خردة ماكو ؟؟

يكفي حبيب الروح يكفي بواري... أسست نص بغداد مي ومجاري

أزرع بصل بالكاع تطلع بتيتة ... لك شلي بالبطيخ شكراً جزيلاً ؟؟

طفر طفر خنزير و العمبه طيبه ...... كوم اترس اللالات مالك علاقه ؟؟