فلم امريكي اكشن

من طرف the snake الجمعة نوفمبر 09, 2007 11:20 am

السلام عليكم

طبعا مثل كل الافلام الامريكية (القديمه خاصة) يجي هذا الفلم:

الصبح يقوم بطل الفلم من النوم عصبي حالته حاله مصلخ ( -_- ) و يدخل الحمام يغسل و ياكل الفطور و يطلع بسيارته الكابرس الى مقر الشرطة

بالطريق يشوف حرامي يركض

رأساً بطلنا الفلته يدور السكان و بالسياره وراه

الحرامي ينتبه انه بطلنه الفلته ديلحكه بالسياره فيقول:

"تبا لك .. ان تمسكني"

بس بطلنه الفلته يسمعه و يقوله له:

"يابه دطير"

الحرامي يدخل بدربونه صغيره و يكمز من فوق الحاويه مال الزباله

بطلنه الفتاك يدخل وراه و يضرب طلقه على الحاويه فيفجرها o_O

الحرامي يوصل الى نهاية الدربونه فيصعط فوق السياج و يكمز

يجي بطلنه الفتاك يوكّف سيارته و ينزل و يطلع رشاشه و يضرب 100 طلقة على السياج .. فيوكع السياج

و يصعد السياره و يشحط

يدخل الحرامي بمحل مال الملابس

النسوان يصيحن .... بدون سبب

فيأخذ رهينه و يقول:

"ارمي المسدس و الرشاشه لا اطكها"

فيقول بطلنه الفلته:

"......."

ثم يطلق بطلنه الفلته طلقه واحده .. الطلقة تنضرب بالحايط و تنعكس على الكاع و تضرب اصبع صاحبة المحل مال الملابس ............ فتموت ..

بعدين الرهينه رأسا تندار و تضرب الحرامي بوكس (لكمة) و تاخذ المسدس منه

طلعت الرهينه صاحبة بطلنه الفتاك و هيه هم شرطية .. بس جايه تغير الستريج مالها .. شلون صدفه

و بالنهايه

يطلع منظر غروب الشمس على الشاطئ .. و بعدين اثنين يتباوسون مالهم علاقة بالفلم ابدا

النهايه

نلقاكم في الجزء الثاني من هذا الفلم