من روائع الشعر شعبي

اول شعر شعبي في الحب حفظتة وكنت اعتز به كثيرا لما فيه من كلمات اعتبرها من الروائع .... تمعن في كلماته وسوف تفهم قصدي :
ردت اكللج واستحيت
.
كلمة حدر شفافي ظلت ومن كثر حرها انجويت
كلمة بين عيوني نامت سهرتني وما غفيت
كلمة صار سنين المها وكل حرف بيها اشتهيت
بشوكي وبشوك الليالي وبكلبي آني سعيت
وردت اكللج واستحيت
.......................
وضاعت الفرصة من ادية وبيدي لاوراقي طويت
ودارت الايام بيه ومن جديد تولعيت
وكمت احشم والاحشمه يكللي وينك ما حجيت
كلت اشوفج وقررت احجي ونويت
وتالي شفتج وردت اكللج واستحيت
...........................
وظلت الكلمة اعلى شفتي وبيها بس هيه التهيت
سلوة صارت سلوتي والصبر مدة جزيت
وكمت اصيح بعالي صوتي الله واكبر شيبيت
اني ما حاجي بعدني شلون بيه لو حجيت
...........................
مادريت بليلي اعاني والخجل طبعي نسيت
حيرة حيرني زماني وكلبي قشمرني وهويت
وصدفة لاكاني حبيبي جتافه بجتافي ورضيت
لا فكر مدري شجاني وعثرت كأني عميت
وانعكد وحده لساني وبدل ما احجي بجيت
وردت اكللج كلمة وحده هي احبج ردت اكللج واستحيت
.....................................................................

كلمة حدر شفافي ظلت ومن كثر حرها انجويت
كلمة بين عيوني نامت سهرتني وما غفيت ...

اهوااي حلو الشعر وحقك تتأثر بيه .كلمات حلوه ومعبره تسلم والى مزيد من ابداعاتك

ومن ظيمي خلوني بالطواري وتبهذليت
شكرا ابو علاوي

كل عضو في هذا المنتدى هو جزء من كيكة المنتدى بس تبقى انت يا دكتور اياد ( ابو مصطفى ) شمعة المنتدى تقبل فائق احترامي .........

مادريت بليلي اعاني والخجل طبعي نسيت
حيرة حيرني زماني وكلبي قشمرني وهويت
وانعكد وحده لساني وبدل ما احجي بجيت
وردت اكللج كلمة وحده هي احبج
ردت اكللج واستحيت
ماستر لا ابد ، دكتوراه هم لا ، بروفسور ابد ، انت اكبر من هاي الالقاب يا اخي انت اكبر عاشت ايدك

اليقهر بالموضوع الشاعر للاخير بقى مستحي وما كالها

عاشت ايدك صدك يستاهل الواحد يحفظه