رساله الى (امريكا)

رساله الى التي تورطت في العراق العظيم

وج امريكا لحظه وباوعي ابمنظار_تره مو كل عراقي يرضه بالذله
ومو كل عراقي ينشره ابدولار_ومو كل عراقي يحيد عن اصله
وتره تراب الوطن يتحول البارود_ومن نكول الله واكبر يشتعل كله
وحتى الرضيع الما عرف امه_تره يكول الشهاده وينحر القبله
مو عدنه زلم ما تعرف طعم النوم_وما غمض جفنهه وتنوخذ غفله
تسهر تناطر وتناغي هيه الموت_مثل اب ويناغي اليوم ابطفله
امريكا لحظه اشجابج انتي هنا_تره مو كل شرف ينباع مو سهله
عراقيين بينه الغيره متاصله_من كاع العراق وتربته ونخله
تره عمر العراق بعمر جدنه نوح_ومن سوه السفينه بشجرته واثله
وعمر العراق بعمر ابراهيم_والنمرود يشهد هالنبي اشكله
احنه العلمينه الناس من تكتب_تخط على السطر وترفع النبله
امريكا عدلج طبقيه اهناك_تره الزنجي شبع من تفرقه وذله
لا تكولين احنه اليوم حررنه_تره جذبه اليصدكهه انمسح عقله
القران عدنه واحنه اهل انصاف_وابو القاسم منو اللي يشبهه بعدله

وسلامتكم
وكتب ابو عبد الله