حوار بين اب وابنه

[size=18][/الاب:
يوليدي اعرف بيك عاشك واعذرك
ومن تطخ الراس من حكي احذرك

الابن:
يابويه اظل للدوم عد حسن ظنك
شمعه على درب الشوك كل كلمه منك

الاب:
يوليدي درب الشوك كبلك مشيته
سهله بدمع تبجي بالدم بجيته

الابن:
يابويه عد عيناك بس كلي هسه
انسه الاحبها تريد وعيونك انسه

الاب:
لا يبني كلبي ارتاح وتلل وحب
بس اظن هم يفيد حجي المجرب

الابن:
انه اشكر الله هواي مثلك ابو يصير
بطيبه وكلب فرحان ينصحني ويشير

الاب
يوليدي اريدك دوم تندل طريقك
واحسبني من هاليوم بالحب صديقك size]