ابوذيات

من طرف aboyaser67 الأحد مارس 23, 2008 7:22 pm

اريد افرمت كلبي والغي رامه
واريد اشيل العشك منه والغرامه
عليك انت المخطط و الغرامه
لأن حسنك كسر غفلة عليه

وكع كلبي بغرامك ماتشيلة
وترى كلبي التعذب مات شيلة
اخابر وانت تسمع ماتشيلة
وينك ياحلو بس رد عليه

بقه غامض سؤالي وياك منحل
وجسمي من السهر والليل منحل
ابشرك صرت بين الناس منحل
العسل حصتك وأنا اللسعات اليه

تعتني الروح مرة ومرة تلها.
ليالي شكد صعبة مرت الها.
همر قلبي وتاهت من رتلها.
تعال صير عبوة وطك عليه.

الزمان شكال لبنادم يراوي
اخذ مني قصص واكتب يراوي
انا الربيتهم طلعو يراوي
كبرو وتعلمو عضات بيه

زبد يا ملمس الوجنه ... من الحر
اخاف تموع من تمشي ... من الحر
ابنادم صورك ربك .... من الحر
وانه الدافع ثمن هاي البليه

من طرف khalid الإثنين مارس 24, 2008 12:16 am

يوميه الصبح اول ما افتح عيني اركض على الاب توب حتى اشوف ابو ياسر الطيب الاصيل ابن البصره اشدازلي من دارميات وابوذيات ،
عاشت ايدك ابو ياسر وان شاء الله ما تحرمنه من مشاركاتك الحلوه

تعتني الروح مرة ومرة تلها.
ليالي شكد صعبة مرت الها.
همر قلبي وتاهت من رتلها.
تعال صير عبوة وطك عليه.

خيال عاشت ايدك يا ورد

ابوذيات

ابوذيات

رد: ابوذيات