غدار

جرعت سموم غدرك ماكلتلك ليش********وجلمه تنفرزك مالفظت شفافي
بعد كافي:
تمرر خنجرك وتغرزه بين حشاي********وتحز بمنحري وصاعد على جتافي؟

انه الوادي لو مره امر عليه********الي اجلالاً يكوم وينتهض حافي


وأنه الكيض الجنت من اشتد على الكاع*******أحولهه لسراب على كل البشر وافي

وبعد كافي:
شجاك شغيرك؟موهدمتلي الحيل*******وماحسبت تزعل عني وتجافي

گمر آنه وطفيت بيوم من جفيت***********وگلي النفع شنهو من الگمر طافي؟

وشلت الروح الك باقة ورد ياصاح*******وانطيتك كَلب مابيه دغش صافي

وزرعتك ورده بضلوعي وسگيتك شوگ*****وماجنت اعتقد تنقلب صفصافي

لأن طبعك حقود وتكره الحبوك*********شكَكت الكَلب وانطيتني غلافي

وبعد كافي الغصص ماأحمل الطعنات*****مايحمل بعد من الصبر سافي

أنه العالي جنت راسي على راس الغيم******من طبع الجبل ماذلت جتافي

وأكلك هاك روحي واخذ فص العين********تهز ايدك عليه تكلي متعافي!!!!!!

طبع ماي البحر لو هب عليه الريح*******يضل جدامه يركض روجه وي روجه
أنا بوجه النوايب صرح ماأنهار ******وبحر مو ماي سم ماتكدر تفوجه

عرفتك مو وفي وطبعك طبع ثعبان*****ماعندك حجايه وقصتك عوجه

وأنه الكَلبي فطير ورايي واحد دوم *****مو مثلك أغير كل وكت موجه

الخيل بلا سرج ماتفع الخيال*******ومااحبذ المهره الموش مسروجه

الشجر عالي صدكـ بس ينتهي بلحظات*****اذا الماي انكَطع مايوصل عروجه

[center]

عاااااااااااااااااااااااااااشت الايادي
تسلم يا ورد

ورده ابو حمودي وارجو ان تقبل مني هذه الابوذيه
لاتظلم دليلي اياك وياك
انه انطيتك وجفي لغيروياك
صدك من علي تهد وياك
اهد وافزع واطك بثبين اديه