اطلع من طوري

كتلك الا تأمن ذني غدارات
واطلع من اسولف والله عن طوري
ولاتسال عافتني ليش شلون
موشافتك زوج وظربتك بوري
البنات بهل وكت لا مايعرفن عيب
وصلفات وجذب من كال يردن
واذا ما صدكت خل انه اظل جذاب
يجي يوم عله عقلك لابد ايضحكن
من يمشن سو قمه شرف واخلاق
بس شوف المصيبه هناك لو فردن
جم شاب ومراهق ما ينام اليل
وبحال الشباب اشلعبن اسون
لعبن بالشباب افلام يابو فلام
يظربنهم بواري وجذب ينظربن
وخطيه الي يحب حسباله وفايات
وهنه كلهن خيانه وابد ما يوفن
اذا يحجن غرام وكله حب اوراق
هواي من الغزل فوك الورق كتبن
ماصدك جذب منا لحد هنا
تعلمني بحجيهن كلهن ايجذبن
عرايس خاف اكلك واظلم العرسان
يلطمن لطم لو رادن ايطلعن
من الاحمر والاخضر هذامو بنصاف
واشكال الصبغ لواتشوفهن حطن
لا ام اتحاسب لا ابو النشاد
ولا واحد رقيب هناك لوطلعن
انه امشي وي امي مستحي وخجلان
وهنه وي الولد بالشارع ايضحكن
وحته عيونهن ما ظل عليهن لون
كل لحظه بشكل كل ساع ينكلبن
اظافرهن لزك ورموشهن تركيب
وعقل راس بوظعهن راح يجنن
موبس عل بشر لعبن بنات اليوم
حته بخلقه الله كامن ايلعبن
كبل عدنه الولد معروفه ايصجمون
هواي من المواقف عل ولد ثبتن
انكلبت الايه وهسه لبنيات
لبسن بنطرون وكامن ايصجمن
ومو كلهن سوه وكل البنات خفاف
ولانظلم بختنه وبالبشر نطعن
اكوبيهن اشراف وتاج فوك الراس
وكو بيهن حشاك انعال ما يسون