اخذ ارنب

اخذ ارنب
.
.
تريد ارنب اخذ ارنب
تريد سمجه اخذ ارنب
تريد خضره اخذ ارنب
تريد تحجي تصير ارنب
تخير والزم قرارك وشوف انته ابيش ترغب
هذا حال الدنيه صاير يالردت وياهه تلعب
دنيتك نفضت رداهه وكل شريف البيهه يتعب
اخذ ارنب كبل ميسووك ارنب
دنيتك صارت مصالح وبيهه حتى الخوش ينهب
ووكت جنه وجان وله وهسه وكت البيه مكسب
كبل جان الخصم واحد وحزب واحد
واليفلش البيت واحد واليذبحك جان واحد
هسه اصعب هسه عمي النار تلهب
هسه شيخ السلف باع السيف والدله وتحزب
بكل حزب انته جكاره تركض وتجويك ناره
وبي يوجر تتن عمرك وكطف من تصير تنذب
اليوم صار الذيب مؤمن بمحبس وسبحه تنصب
ومن اجل يوصل مراده للدعايه يخلي مذهب
وانته للجلاد مطلب
واليكلك باجر احسن عمي والله عليك جذب
اخذ ارنب كبل ليسووك ارنب