رساله الى الدكتوره حسنه ملص

هذه قصيده للشاعر رحيم المالكي بعد ان عجز عن مخاطبه الشرفاء من هذه الامه قرر مخاطبه غير الشرفاء
..........................رساله الى الدكتوره حسنه ملص ...........................
ياهو منج اشرف خاطر اشكيل
دليني يحسنه وباجر امشيله
امشيل وسولف كل حجي المضموم
كبل حفاي كالوا هسه ماكو هدوم
بيت من القنابل والقصف مهدوم
وحكومه بلا حكومه بغير تشكيل
....
تنازع عالكراسي والشعب حفاي
وبشرج لا غذاء لاكهرباء لا ماي
احنه اهل النفط والكاك عد زلماي
يا حسنه الحكومه تكدر اتشيل
....
حكومتنه الرشيده ليش هل تأجيل
اي مو مطرت علينه من السمه سجيل
بلوه احنه ابتلينه قابل اهل الفيل
اي موهذا ابره خلو يرد فيل
....
جوعنه ابره والجوع ابو الكفار
ثلث سنين اسمع ما اشوف اعمار
بس بعض الحكومه اصبحت تجار
بهاي اشهد يحسنه بيوم وبليل
....
تجار الحكومه والشعب حمال
وياهو ليجي باجر نغير الحال
من هاي السوالف حملينه جمال
اذا ينعدل وضعي ينعدل ذيله
....
حكومتنه الرشيده ليش هذا البوك
تره لهذا الشعب قد ماتضيع حكوك
باجر بنتفاضه انشك جثير حلوك
عرفنه الباكنه ونعرف اليوم ايل

.
.
مع تحياي اسعد العمشاني ارجوا ان تعجبكم المشاركه ولاتبخلون علينه بردودكم الجميله وشكرا
.
.url=http://www.dlooah.com/vb/up/][/url]