قصة واحد يريد يصارح وحدة

من طرف aboyaser67 الأربعاء يونيو 04, 2008 4:53 pm

قصه طالب يريد يصارح بنيه
طالبة وياه بالقسم شوف شصار وياااه

طالب وعايف دروسي

واقرا اشعار وجرايد

وعاشگ بنيه بقسمنه

والگلب بس الها رايد

هي حلوة .. هواية حلوة

واني عمي شلون واحد

بالفرن ناسيني اهلي

وحتى لون عيوني جارد

حاولت الفت نظرها

بكل وسيلة وماكو فايد

غيرت لبسي ومشيتي

وفكري بالمودات شارد

وجللت شعري وصبغته

ولبست حتى الگلايد

گعدتني ع الحديدة

لا بعت حتى الحدايد

لا تگلي ولا اگلك

بهذلتني الله شاهد

وهي تدري بس خبيثة

مثولة والدلال بارد

وانه نار بنص دليلي

خاف اصارحها وتعاند

مرة اگول احجي وياها

ومرة اگولن خلني راچد

وين چانتلي يربي

چنت متونس وگاعد

وقررت لازم ابوح

بحبي الها وما احايد

بوري ما بوري اسولف

قابل مصارح مجاهد

جيت وتقربت يمها

جسمي يرجف حيلي بايد

والضغط يمي تخربط

مرة نازل مرة صاعد

گمت اتمتم گمت اعتعت

گمت احس بلساني جامد

چني سيارة عتيگه

وانكسر من عدها گايد

ردت افلت ما عاد ينفع

گالت اتفضل شرايد

گلت عفواً من رخصتچ

بلكي عندچ قلم زايد

من طرف ملك الخميس يونيو 05, 2008 12:35 pm

ههههههههه والله حلوه بس هو شكد جبان

قصة واحد يريد يصارح وحدة

قصة واحد يريد يصارح وحدة

رد: قصة واحد يريد يصارح وحدة