يا غريب

ياغريب اذكر هلك ولكاله بحجيه يتنكت
هيج جروح الكلب والعين كت مهموم كتت
ذكروه وعادت اليذكر يحن وروح لهل الروح حنت
اخ يا روح الكبل جانت عزيزه شلون ذلت
ملت من ونينه وعذاله من اللوم ملت
واصبحت مثل الرشه المتروك من يشله جليبه
وحنت وعادويلمحبين لوحن المحب يذكر حبيبه
يلتريدين الولف ولف البعيد منين اجيبه
كافي غيبه كافي جلمات العتب علناس ياروح الغريبه
يلصفيتي بلا عكل ولعلتج ماتصح طيبه
يلحسرتج حسره ام اثنين وافاه الكدر واصبحت ذيبه
يلمثل دله استوت بوداغ ما يخمد لهيبه
يلتظنين بعظم بلواج ما صارت مصيبه
هذا سهمج والسهم لوعات ولخانه الوكت يرظه بنصيبه
وهذا طبع الناس بيهم بلاوفه وبيهم وفي ايجيبه لحليبه
وانتي لا جف لينشف العين لادار التحبيهم جريبه
يلحسرتج حسرت المجبود ودموعج تبدت
يلعله جروحج اعز الناس من شافج تشمت
يلتظنين الشمل يرجع شمل عزج تشتت
. url=http://www.dlooah.com/vb/up/][/url