روح يمعود

من طرف عادل الأحد ديسمبر 21, 2008 5:23 am

حســـبالك جرح بگليـــبـــي منك صار
مامجروح ابد ماريد منك رد
هو اني بصراحه .. ماجنت اهواك
لكن مثلت ... موقصدي امثل جــد
وانت المثلت ويايه كومه ادوار
ساعه گليبك ابيض ساعه كله اسود

وانت الي اجيت بوكت ردت انساك
هستوني نسيت وقررت ابعد
رديت بغبائك وهم مشيت وياك
لان شفتك الييه بلهفه تتودد

شفت عينك مدينة وهاجروهه الناس
وشفت گلبك ينادي ومايسمعه احد

يــــــــــــــــــا بارد مشاعر ياثلج احساس
واضن احساسك انت من الثلج ابرد

اسف لو جرحتك مره لو مرتين
ولو ماتشعر انت احساسك امجمد

ما اكلك اكرهك .. روح الله وياك
وما اكلك احبك .. روح يمعود