نكات على لسداس لعلمي ادخل واضحك

السلام عليكم ورحمة الله وبركاته
ليوم جايبلكم نكتة على طلاب لسادس علمي (بما اني متقدم لسنة لجاية للسادس كلت خل احشش عليهم قبل مااوصل للسادس وتصير لشغلة صدك)
ههههههه طبعا خربت ضحك لان صدك حلوة ويارب تعجبكم

بسم الله الرحمن الرحيم
جمهورية العراق
وزارة التربيه
الاسئله الوزاريه للعام الدراسي الحالي
الفيزياء
الوقت :3 ايام
ملاحظه :الاجابه على ستة اسئله على ان يكون الاول والثاني والثالث والرابع والخامس والسادس من ضمنها..
السؤال الاول :رواد فضاء صعدوا الى الفضاء واخذو معم ثلاجه بيهه اكل وعلى مسافة كيلو ونص من القمر خلص الاكل وشمروا الثلاجه مناك ..احسب سرعة سقوط الثلاجه علما ان الماطور من صنع شركة عشتار؟ ..
السؤال الثاني :واحد ديمشي هوه وصديقه ..(يعني هوه ديمشي ووراه صديقه)والمسافه بينه وبين صديقه متران فقط ..التفت الى الوراء بعد مرور 10 ثوان ولم يجد صديقه ..اين ذهب صديقه؟
السؤال الثالث:سياره تمشي عالقناه نوع اوبل اومكا بسرعة 120 كم / سا صادف مرور كلب سائب امامها على مسافة 20 مترا من السياره ..داس السايق بريك فوقفت السياره على مسافة 2 متر من الكلب (لتخافون ما راح اسألكم شنو نوع الدهن بريك)....اجتي سياره همر مال امريكان ضربت الاوبل من وره ..شكد جان يمشي ابو الهمر؟ علما ان الجندي السايق من ولاية اريزونا الامريكيه..
السؤال الرابع:ولد يمشي في شارع الربيعي على الجهه اليمنه وبنيه عله الجهه اليسره من الشارع انتبه الولد عالبنيه واندعم بتيل .. البنيه ضحكت ..كم عدد البنات صديقات هاي البنيه اللي راح هاي البنيه اتسولفلهن الصار بالولد من وراهه؟ علما ان الولد مضروب بوري قبل 20 دقيقه في نفس الشارع؟
السؤال الخامس :ارسم مؤشرا على الاجزاء طريقة عمل الدولمه..
السؤال السادس والاخير:
علل ما ياتي:
1:السوني اركسون يخلص شحن بسرعه ..
2:المولده التايكر تطلع دخان..
3:لايوضع الصاص والعمبه معا في لفة الفلافل..
4:الفقير ما يعيش بالدنيه

_________________
هههههه اني عجبتني حيل ماطول عل سادس هههه
من ( سمســـــــــــــــــــوووم )

والله لو تعرفون اني اشك عانيت بالسادس بس هذة التحشيش خلاني احب ارجع للسادس مرة ثانية واتمنة تجيني هاي الاسئلة

ههههههه هاي الاسئلة بس انتة اتحلهة لان مال محششين
(يكول شكد عانيت بالسادس) ههههههه هوة انتة وين شايف كتاب كتبك
نضيــــــــــــفة ولا واحد طاخهة اصلا ماعندك كتب ههههههه

هه هههه ههه ههه هي مو هلكد حلوه يعني بس مشكور

هاي اساله سهله ما عدكم اصعب شويه ولو كل الاسئله مثل هاي محد رسب بالسادس
بس الصراحه كلش حلوه وعاشت ايدك ومشكوووورررررررررررررر

شكرا على المرور ومنوووورين بردودكم