اقره الفاتحه

بالرغم من الحب الكبير والشوق والحنان قد يجبر الحبيب على ترك محبوبه ومحاولة نسيانه لما يلاقيه من الصد والهجر وعدم الاهتمام فتعز عليه نفسه وكرامته .
فيكون من حقه اذا نتقم لكرامته وجرحه ..................مع الاعتذار لكل العشاق والمحبين

مستغرب لان گتلك اريد انساك

تگلي شجاك وانت التعرف شجاني

ما انكر احبك أي واعزك حيل
لكن ما بقالي وياك حل ثاني

يرفض ان يگول لساني راح اشتاك
هم عنده عقل ويفكر لساني

هم عنده كرامه ومبدأ واحساس
لابد ينعدل وياك ميزاني

صار سنين روحي تعذبت وياك
وگلت اقبل وضل لخاطره متاني

وما وصي الگلب حتى يجي و يهواك
هو الگلب هم بهواك وصاني

يعرف بيك تنسه وما يگلي يخاف
يكول انك تحبني وصعب تنساني

وضم جرحك وگولن راح جرحك طاب
ويطلع يستهين يگول هذا اني

وگلت اقبل بعد جرح الاحبه يهون
ميخلص جثير الدم بشرياني

متأمل تحس بلكت تحن فد يوم
يرف گلبك علي من تسمع الحاني



اجيت تريد تجبر خاطرى المكسور
شتجبر گلبي المجروح؟ لو دمعاتي واحزاني؟؟؟

كلي جروح منك روحي كلهه جروح
احط ايدي اعله واحد ينزف الثاني



روح مسامحك ما ليه كلمه وياك
بس اعرف قتيلا حبك ارداني

واذا گلك احد انك قتلت انسان
اقره الفاتحه ومعناهه هذا اني

ما موجود لكن لو ردتني بيوم
بعنوان القصيده هناك تلگاني






[URL="http://www.alhnuf.com/254/"]خلفيات كمبيوتر[/URL]

عاشت ايدك يا ذووووووووووواقك
الله لا يحرمنه من اشعارك الروعه تسلملنه يالغالي