قصة حب على شكل دارميات

اكو فد شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال..

حني يبنت الناس مرة اعلة حالي***صدكيني آنة اهواج وانتي بخيالي

ردت عليه..وكالت..

لاحن ولا اهواك ماعرفك آنة***لاتحجي بعد وياي كافي ميانة

رجع المغرم وكال..

ما اكدر آنة اساج صرتي انتي روحي***وبلمسة ايدج هاي تذبل جروحي

جاوبتة البنية بهذا الرد..

امشي يخوية وروح والعن ابليسك***مو سلعة آنة وجاي ياخذني جيسك

جاوبهة المغرم..

مو سلعة انتي ادريج انتي حياتي***واتمنة يمج كون يحصل مماتي

كررت البنية كلمة خوية وجاوبت..

كافي يخوية وروح وابتعد عني***تلكة بنات هواي حتى احلة مني

كال المغرم..

من بين كل الناس كلبي يريدج***وسلمت هاي الروح ياحلوة بيدج

بدت تمل كلامة البنية وردت..

أيس يخوية وروح لاتاذي كلبك***ماريدك وماريد ياخذني حبك

رجع صاحبنة المغرم..وجاوب..

هيجي يبنت الناس صعبتي امري***دمرتي حلم الروح ضيعتي عمري

ضاجت البنية كلش وجاوبت بعصبية..

ماريدك وماريد كربك الية***آخر كلامي وياك حبتك حية!!!

رجع المغرم بعد الصدمة...وكال..

اقبل كلامج هاذ بس ما اعوفج***يومية اجيج هنا ويومية اشوفج...!!!!

رجع المغرم يمشي علة اعصابة(مو علة رجليه...ههههههه)

ورجع يتمنى قبولها........بس هالمرة منو بدا يحجي؟؟؟؟

هية بدت بالكلام...وكالت...!!!

ها خوية شو رديت شنهي القضية......مافاد حجيي وياك ذيج المسية

جاوبهة المغرم بلهفة...

رديت الج مشتاك صدكي يحلوة........عتني عليج الشوك مو بيدي كوة

طلعت البنية بعد كل هالهوسة تحب الصراحة!!! وكالت...

سولفلي قصتك كول حلوة الصراحة.....انتفع بيهة هواي واشعر براحة

سولفلها صاحبنة المغرم بصراحة تامة وكال.....

حجيي الصريح وياج آنة هويتج........واليوم اجي خطاب واتعنة بيتج...

من سمعت بيهة خطوبة البنية.....لانت شوية....وكالتلة كلمة...عيني!!!!

هلكد يعيني تفيض شوك ومحبة......طيب وعالاخلاق كلبك تربّة....

خطية مغرمنا.......بدة ينتظر الرد الصريح....وكال...

ها يبعد هالروح ما جاوبيتي.......كافي شلاع كلوب كولي رضيتي...

جاوبت البنية...

والله رضيت اهواك اسرني حبك.......واتمنى اعيش وياك واتمنى كربك

جاوب المغرم بعد كل هالعذاب....فرحان ومرتاح...وكال...

همي يحلوة انزال من هالمودّة.........غيم الحزن والآه بيدج تعدّة...

ضحكت هية وكالت......(شوفوا بدة الاستغلال...!!!!)

يلة دشيل الماي خلينة نمشي......صرنة اهل واحباب وانتهى كلشي

الله روووعة
عاش قلمج واحساسج الراقي قمة الابداع والجمال ياذوووووق


انشالله ياربي دوم الابداع والتقدم
تحياتي وودي



هديه الى حنون المبدعه


سابيني بجمالة وطول شعرة
اموت واحتي من يكول شعرة
أنة بيني وبين الموت شعرة
حنون انت شوكت تلحك علية



سابيني بجمالة وطول شعرة
اموت واحتي من يكول شعرة
أنة بيني وبين الموت شعرة
حبيبي انت شوكت تلحك علية

تسلملي على ردك الذووق يا ذووق انت وربي دا تخجلني
والله المنتدى بدونك ميسووه شي مع احترامي للاعضاء البقيه ولو هم ميتين هههههههههه تسلم على الرد يا ذووووووووووووووق

عاشت ايدج حنون كلش حلوة ودووم التقدم يارب

عاشت ايدج على هاي القصة الحلوة

يسلموو ع الردود حبايب والله منورين المنتدى ومدا اصدك اكو حركه وناس تقره مشاركاتي حبجي من الفرحه ههههههههههه
ربي لا يخلي مكانكم