انشدني

انشدني عالحال حالي أعلى حـــــاله
سمجه أوشحيح الماي وبظهري فاله



حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت


اتعمن والعباس بسجن العيون
يبجن وهما هناه لوشالو اشلون


ياربي سترك رفت العين
واحبابي مو يمي بعيدين



كـلبي أريد أكـصه إبموس وأكوي إبمكانه

علمني عله درووب كلهن مهـــــــــــانه



كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه


القلب قال أحاه ! قتله وجعــــــــــتين
منهو الاجى أوعزاك من طقك البين


يالردت عني اتروح خليلي صبرين
واحد يصبر الروح والثاني للعـــين



شامت وكًف عل الباب حاير شـــــكًـلـه
أرتجي إعله المكســــور لو دمعي إهله



إرتجي إعله المكسـور حيل إردس الكًاع
بالك تذل جدام شماتك إبســــــــــــــــــاع


اكعد ابتالي الليل وادعي ابصلاتي
ياربي بعد افلان شلي ابحيــــــاتي


ارد انصحك يافلان هذي النصيحه
عوف اتلف وادور حب الصراحة


احمل وفى والطيب والرقه كلــــــها
أوكل مشكله ابهالكون بس يمه حلها


ريته اليطيح ابضيج كون اخوه وياه
اوكل مايقول احاه كلها اتلــــــــــقاه


إلي تطلبه ايصير بس أمر انــته
أو لاتعب الجلمات أشرلي سكته

الرد
أطلب وقلك صار تامرني أنــــته
عمري من أول يوم بسمك رهنته


ميت والمعزيات يبجن عيـــــاره
طفن على التابوت راس الجكاره


الدهر شل يمناي شل يسرتي الــــــبين
جابيش اصبر الروح بيش امسح العين


متعجب المهموم يشرب جكاره
قلبي ابكثر مانوح تجويني ناره


من كثر حر الضلع أحترقن هدومي
وتسعين ناقة وجمل ماشالن همومي


هاك ابره هاك الخيط خويه ارد اكلفك
امقطع الدلال شله على عرفـــــــــــك


هاك ابره هاك الخيط كوم امشي عني
لو بيه اشل جروح جاشل هـــــــــذني


حسره الك بالدلال ظلت لما امـــوت
مادرت حقها الناس صوابي بسكوت


حسره وحدرها احاه وبقلبي لــوعه
كلما اضوق الزاد اركض وازوعه