ابوذيه طازجه بالباكيت ودارميات اتضحك

بوري الحزن مفتوح كاكه
وديج الفرح مايوم كاكه
أذا دوله عرب يحكمها كاكه
سلملي على المالكي أذا نحلت عليه
#########################
الك يازين حن كلبي واللك راد
واللك بيه حكم ربي واللك راد
حكومتنا من بني مالك والاكراد
عشر اسنين اذا سوو حكومه مر عليه
#############################
حبيبي الشوك لاتكطع وصاله
الك بالفلب جم غرفه وصاله
نجوى اتروح الك فدوه وصاله
ووياهن لطيفه التونسيه
############################
شلون اتخون وانته احلفت بايات
مزليكه اطلعت مو درج بايات
تريد تروح موبس باي بايات
واليرجع بعد نعله على بيه
############################
كل البشر دولار بس انت دفتر **** وبكلبي حظر تجوال بس انت تفتر
###########################
رمضان اجانة ارجوك لاتطلع اصبر ***** عيد انتة لو شفناك معناهة نفطر
#################################
حسبالي هاي الناس عشرتهم تدوم ....ثاريهة لعب قمار واليخسر يكوم
#####################################
اسكر اريد انساك تالي ارجعلك اشتاك***مدري العرك مغشوش مدري احنة عشاك
########################################
حبك يبعد الروح خلاني اعاني....اشرب حليب وجاي حسبالي راني
######################################
صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليه
#####################################
حط باللبن تيزاب مجبوره اشربة ... بس لا اشوفك يوم تمشي ويه غربة
: للموت اضل اهواك مايوم املك ... ومابيه حيل فراك من هسه اكلك
ياشتلة بالشريان حبك شتلتة ... ما عيش انه بلياك مخبل انته ؟؟؟
#####################################
في ظل ازمة البانزين منك لترة ومني لترة حتى حبنا يعيش فترة
كلما طفت الكهرباء جيت انت على بالي وانت اجمع الطفيات واحسب معزتك يا غالي
انت موزة انت لوزة انت مولدة للعوزة انت كيبل حياتي من تبتعد تطفر الجوزة
ما اسميك كهرباء يقطعونك ما اسميك حصه يأخرونك اسميك مفخخه بكل مكان يخلونك
احبك وانا بكماطي يا دكمة من دكم قاطي يا احلى وردة برباطي يا جبن كيري بقواطي
يا حلو يا بطل من شفتك قلبي عطل ما عاد يشتغل لا دفعة و لا جطل
هاي دارميات مالت امحششين:_
بيدك تفك الباب ..بيدك تسده...بيدك تسد الباب بيدك تفكه... ***********
ازرع سمج بالماي خضّر بتيته ... خلف الله عالتمساح مالك علاقه ************
هم شفت هم سمعيت هم سولفولك .. لا شفت لا سمعيت لا سولفولي ***********
هم شفت هم سمعيت بالتاته تبريد ... ويم نقطة التفتيش امريكي واكف

####################################
أزعل يا وطن وارجع اراضيك
وأحن بغربتي لناسك واراضيك
بغير الفرح صدك ما ارى ضيك
واذا مرك حزن احسه بيه
####################################

صرتو انتم سوالفنا وحجينا
وعليك بخير صدكني حجينا
حبيبي ارجوك جاوبنة حاجينا
من تزعل تضيج الروح بية
#####################################
أذا لجلك فديت الروح مندم
عليك العين تهمل دمع مندم
أذا عمري كظيته وياك مندم
لأن طبعك حلو ونفسك أبيه
##################################
انت السمع والشوف والگعده والنوم وانت التضخ الدم ابگلبي كل يوم
####################################
عيون الناس سوده وعيني باضت
وانه جيوبي من التفليس باضت
كلت بلكي الدجاجه اليوم باضت
فلاونزا الطيور تكول بيه.......
#################################
اريد احچي على المكشوف والغاز
عمر كلة گضة باوهام والغاز
مرة الكهرباء تنگطع والغاز
اجانة قانون النفط والغاز چملهن اذية
###################################
هم سطل هم مزروف هم يده مابيك من دنعل ابو الينخاك لابو اليخاويك
#################################
انه المايوم بعتك ونته داري
وصرت گلاده لجلك ونته داري
هلي والناس انته ونته داري
واساسك مو دغش غيره وخويه
###################################
دوم انشد عليك الراح والرد
الوفه منك نبع والطيب ورد
ردت منك جواب الهاي والرد
اعز الناس مايسال عليه
##################################
يامن يطم الروح كلش وكيحه*****ذلوهة وسفه وعيب صارت ذبيحه
###################################
اعرج كسرني البين والبيه بيه ***** من جبتو طاري هواي كمت امشي ميه
###################################
رمش ولو ترميش وأتصل بينه****** بالجذب أذكر يوم وسأل علينه
####################################
ليش أنته دوم وياي ما عندك أنصاف********كلبك صخر جلمود من الله متخاف
###################################
أهلا وسهلا بيك بلجنت غايب******وكلبي من فركاك تحمل مصايب
#######################################
أهلا وسهلا بيك يا بعد روحي*******شوفتك والله اليوم بلسم أجروحي
#########################################
أهلا وسهلا بيك كل مسه ومصباح********يلشوفتك تزهي العين والكلب يرتاح
##########################################
أهلا وسهلا بيك جيت بمحلك*******ومن التتن كاظين نستحي أنكلك
##########################################
أهلا وسلا بيك يا منبع الطيب*******لو تعكر النسوان لو مثلك أتجيب
#######################################
نص استكانة جاي سعر الرسالة*******كاطع ويانه شبيك وين العدالة
########################################
حسافه الوكت شتتنا واهلنه.

..صفينه بيد الامريكي واهنه.

..متى نرجع لراضينا واهلنه..

..وترد ايامنه حلو وزهيه

##################################

مشكووووور على هايه الاوبوذيات الحلوووه كلش ياورد انته

هجمن علي جلاب كلهن فحله
دنكت عالطابوك خلن وشردن

عاشت ايدك حبيبي خالد وبارك الله فيك وفي كل الاخوان

اخوكم ابو محمود

عااااااااااااااااااشت ايدك والله شبعت ضحك
وبارك الله بيك

ابو مصطفى حبيبي شنو هالابداع

طبعا لحد هسه من نقراها نضحك عاشت ايدك وحمدالله على السلامه بعوده الصفحه

مشكور على هذه الابو ذيات