الى التي كنت اهوى

جيت بكل صلافه وجايب الاعذار

تريد ارجع واكلك انه حبيتك

جنت عمري وحياتي وبيك اسولف دوم

بس هسه الحقيقه الروح ناسيتك

رحت بيدك ياوسفه للي مايهواك

وعفت ناس بثمن من وكت شاريتك

وجنت اعمه العيون وبيك اشوف النور

وهسه شوف عينك هي عاميتك

وجنت اجمل سطر بدفتر الاشعار

ومن دفتر اشعاري صدك امحيتك

بعتني بعين صلفه وما عرفت العيب

وانه بطيبة گلب وبعفه جازيتك

وانت مو حلو وعادي الجمال البيك

بس اجمل صور للناس سويتك

وجنت فاقد حنان الگلب يابذات

جبت عمري على عمرك بيه وحبيتك

المن جاي كلي وبعد شنهو تريد

بمزبلة الخيانه هناك ذبيتك