شعر شعبي ..راس الشهر

من طرف najm alreefy الإثنين ديسمبر 17, 2007 1:26 am

لا هله ولا مرحبه براس الشهر****** شلون يوم يصير عبالك دهر
لاهله ولا مرحبه بيوم المعاش ****** ضاع عمري وراح ياوسفه بلاش
دوم اكد وكدح صرت مثل ابو كلاش ****** ذاك ابو چزمه الكلاهه بلا قهر
اطرح اجمع نوبه اقسم مايصير****** راتب وحك عينك بيومه يطير
شنطي ابو المخزن وشدفع للاجار****** شنطي ابو طحين اليون ليل ونهار
ضاگت وصارت علي مثل السوار ****** هاي دنيانه صدگ لو گالو صور
گالو اصبر والطلب كله يهون ****** تاني السلفه وبيهه اوفي الديون
مادرو ديني اشكثر بس للرهون ****** احجاية البطران يحجيهه ابطر
الدين صعب ينوفي والراتب قليل ****** والشهر ياصاحبي كلش طويل
مو صبرنه اسنين مو كافي العذاب ****** وركض على الماي يتبدل سراب
مااضن ارتاح بس حدر التراب ****** خاف اسويهه ويگولون انتحر

لكل الاخوه الموظفين والكادحين والعاملين في قطاع الدوله مع تحياتي
نجم الريفي 112123