هذا جزء من قصيده للشاعر عباس جيجان يا شعب العراق بس كلش حلو

من طرف السفاح الخميس ديسمبر 27, 2007 12:11 pm

يا شعب العراق شبيك
دون الناس سوده مصخمه ايامك
يا شعبي شوكت ترتاح
من دون الاعوام مكدره اعوامك
يا الحزنك حزن عاشور
من عاشور تطلع تلكه بس عاشور كدامك
وكل حربك عرك معدان
بيك شما رميت يردن سهامك
ليه تذبح اخيك على يا مال
عالورقه السخيفه تفخخ حزامك
ليه
تذبح استاذك علمك حرفين
وك هذا قدوتك وعلي مقامك
ليه
تذبح طبيبك من يرد للسوك
خلي يداوي جرحك لجمته ابهامك
ليه
تذبح التاجر من يرد للبيت
خله يفطرك يا مدمن صيامك
ليه
يتمت الاطفال وانته ابو الايتام
ما تكسر الخاطر دمعة ايتامك
ليه
تفجر زوار الحسين لكربلاء يمشون
مو ذوله اهلك وارحم ارحامك
ولك ليه تزعل اذا واحد يكلك انا احب حسين
وك هذا وديعة فاطمة يل تفهم اسلامك
ليه
تذبح الشيعي الحب علي الكرار
مو كبل مايكون امامه المرتضى امامك
وليه
تذبح السني تحسبه من صدام
مو صدام كان وكان صدامك
ليه
تفجر مسجد كنيسه حسينية انبنت لله
وعلى كل المناير صعدن الغامك
ليه والف ليه وعجزيت الليه
يا شعبي شجاك منكس اعلامك
شجاك منكس اعلامك
انا ادري بك عليك اختلفن الرايات
وبس راية محمد شال صمصامك
تاريخك كبل ما يولد التاريخ
ادم من نزل خطار بخيامك
ونبي ابراهيم هذا السومري من اور
خاف يزايدك واحد على الهامك
وليه
والف ليه وعجزيت الليه ......

تُفرَج يا عراق ويرجعلك شبابك انشاء الله

[url=http://3arb.us] هذا جزء من قصيده للشاعر عباس جيجان يا شعب العراق بس كلش حلو 5e841fee89

هذا جزء من قصيده للشاعر عباس جيجان يا شعب العراق بس كلش حلو 5e841fee89

[/url