من يريد البكاء ليدخل قصيدة كتبتها .........

من طرف السفاح الجمعة يناير 25, 2008 9:29 am

قصيدة كتبتها إمرأة طاعنة في السن ..
بعد ما أودعها إبنها في دار المسنين ..

.

.

يامسندي قلبي على الدوم يطريك ..
ماغبت عن عيني وطيفك سمايا ..

هذي ثلاث سنين والعين تبجيك ..
ماشفت زولك زايرن يا ظنايا ..

تذكر حياتي يوم أشيلك وأداريك ..
وألاعبك دايم وتمشي ورايا ..

ترْقد على صوتي وحضني يدفيّك ..
ما غيرك أحدن ساكنن في حشايا ..

وإليا مرضت أسهر بـ قربك وأداريك ..
ما ذوق طعم النوم صبحي ومسايا ..

ياما عطيتك من حناني وأبعطيك ..
تكبر وتكبر بـ الأمل يامنايا ..

لكن خسارة بعتني اليوم وشفيك ..
وأخلصت للزوجة وأنا لي شقايا ..

أنا أدري أنّها قاسية ماتخليك ..
قالت عجوزك مابيها معايا ..

وخليتني وسط المصّحه وأنا أرجيك ..
هذا جزى المعروف وهذا جزايا ..

ياليتني خدامتن بين أياديك ..
مشان أشوفك كل يوم بـ رضايا ..

مشكور ياوليدي وتشكر مساعيك ..
وأدعيلك الله دايمن بـ الهدايا ..

حمدان ياحمدان أمّك توصيك ..
أخاف من تلحق تشوف الوصايا ..

أوصيت دكتور المصّحه بـ يعطيك ..
رسالتي وحروفها من بجايا ..

وإن مت لاتبخل عليّ بـ دعاويك ..
وإطلبلي الغفران وهذا رجايا ..

وإنطر تراب القبر بـ دموع عينيك ..
ماعاد ينفعك الندم والعنايا ..

منقول
الله ..الله .. بالوالدين
من يريد البكاء ليدخل قصيدة كتبتها ......... 4e4c738789