الى من احب

من طرف عادل الإثنين فبراير 11, 2008 7:20 am

من تمر علييه تفيض الاشواك
احضنك حيل انه بگلبي اخليك
واذا تعطش احط بعيوني الابهام
واسويلك نهر بخدودي ارويك
واذا تزعل علي انة اگلب الكون
ومن ازعل عليك ارجع اراضيك
ومن تبعد حبيبي لحضه اشتاگ
گلي وين اضمك حته اواسيك
كون گليبي هسه تصيرله جفوف
وشوف شلون احضنك من الاگيك
اذا تدمع عيونك ابجي وياك
واضحكلك اذا تبتسم شفتيك
واذا تسهر حبيبي انه مانام

واذا انت نمت انه اغفه مرتاح
واذا تحلم بغيري شلون اخليك
فرض قانون نحلم نفس الاحلام
تمرني بكل حلم وانه امر بيك
واذا ماوافقت..! لا انت مغصوب
اخرب النومه والله وأزعل عليك
وانه ادري الزعل ماينفع وياك
من ازعل عليك ارجع اراضيك

love