رساله الى الدكتوره(حسنه ملص)

بعد ان عجزنا عن مخاطبه الشرفاء لحل قضيه العراق!! اضطررنا ان نخاطب غير الشرفاء؟؟ الى الدكتوره حسنه ملص
يا هو المنج اشرف خاطر اشكيله
دي دليني يا حسنه وباجر امشيله
امشيله وسولف كل حجي المضموم
كبل حفاي كالو هسه ماكو هدوم(عندما قال صدام كان الشعب حافي)
بيت من القنابل والقصف مهدوم
وحكومه بلا حكومه بغير تشكيله
تنازع على الكراسي والشعب حفاي
وابشرج لا غذاء لا كهرباء لا ماي
احنه اهل النفط والكاك عند زلماي(اقصد زلماي خليل زاده)
يا حسنه الحكومه تكدر اتشيله
حكومتنا الرشيده ليش هالتاجيل
مو مطرت علينا من السما سجيل
اي مو بلوه ابتلينا قابل اهل الفيل
مو هذا ابرهه خلو يرد فيله
جوعنه ابرهه والجوع ابو الكفار
خمس سنين اسمع ما اشوف اعمار
بس بعض الحكومه اصبحت تجار
بهاي اشهدي يا حسنه بيوم وبليله
تجار الحكومه والشعب حمال
وياهو اليجي باجر ويغير الحال
من هاي السوالف حملينه جمال
اذا ينعدل وضعه ينعدل ذيله
وسسسسسسسلا متكم